Rama fton sërish opozitën për një pakt politik

Keystone EPA/MALTON DIBRA

Në pritjen e fundvitit me ambasadorët e akredituar në Tiranë, kryeministri Edi Rama ka ftuar dhe një herë opozitën për uljen në bisedime, por kësaj radhe jo për kryeprokurorin, transmeton albinfo.ch.

Kryeministri Rama u shpreh se reformat po ecin me ritëm të lartë për shkak se shqiptarët dëshirojnë integrimin në BE.

“Zbatimi i kësaj reforme është një procesi i pakthyeshëm. Humbëm disa muaj për të nisur procesin e vettingut, por varet si e shikon”, theksoi ai. Integrimi mbetet prioritet, ndaj dhe Rama fton dhe një herë për një pakt politik, pasi që sipas tij, marrëveshja e parë i dha rezultatet për vendin.

“As nuk jam lodhur dhe as nuk do të lodhem ripërsërituri shprehjen e këtij vullneti përmes ftesave konkrete, edhe më tej në ditët e mbetura të vitit, edhe në vitin e ardhshëm dhe deri kur të kem këtë detyrë për opozitën për të gjithë ata që janë njësoj si unë dhe si ne të interesuar që Shqipëria të bëhet sa më parë pjesë e BE”, ka thënë kreu i qeverisë shqiptare.