Rama: Në ‘Open Ballkan’ do të ftohen edhe Hungaria, Italia dhe Greqia

Kryeministri i Shqipërisë, Edi Rama, pas takimeve në kuadër të iniciativës ‘Ballkani i Hapur’ tha se në 6 muajt e ardhshëm, në këtë iniciativë do të ftohen edhe Italia, Greqia dhe Hungaria.

“Ne kemi vendosur sot të ftojmë në 6 muajt e ardhshëm Italinë, Greqinë dhe Hungarinë në samitin e “Ballkanit të Hapur”. Sepse kemi kuptuar që për tregtarët duhet të ketë më pak pengesa edhe kur mbërrijnë në BE, nuk mjafton vetëm tregtia e lirë me rajonin. Do të kontaktojmë me vendet e BE-së dhe do të përpiqemi që ta bëjmë bashkë tregun e përbashkët rajonal me tregun e përbashkët europian”, tha Rama.

“Kush na beson neve nëse i themi që na duhen lehtësira për në BE, nëse nuk tregojmë me vepra që mund të jemi në nivelin e standardit të sjelljes së BE-së. Ballkani i hapur jo vetëm që ndihmon vendet individualisht në anën ekonomike, por edhe na ndihmon për të mbërritur te Bashkimi Europian”, shtoi tutje ai.