Rama: Nuk ka tërheqje për Rrugën e Kombit

Kryeministri i Shqipërisë, Edi Rama, në një konferencë me gazetarë e konsideroi “stuhi në gotë” atë që ndodhi në Rrugën e Kombit, duke theksuar se nuk do të tërhiqen nga projekti për pagesa. Ai tha se dizinformimi dhe manipulimi i opinionit publik ka triumfuar mbi shpjegimet që janë dhënë.

“Të tërhiqesh nuk është asnjëherë e paudhë. Këtu nuk ka asnjë tërheqje për të bërë, por thjesht ka nevojë për të luftuar dezinformimin. Më vjen shumë keq që në këtë proces, pasi kjo kontratë është e nënshkruar prej dy vjetësh, pasi një vit që kompania ka filluar punën dhe ka bërë goxha punë dhe ngrihet një furtunë në gotë dhe ndizet benzinë mbi pronën e përbashkët dhe një investim që duhet ta dëmshpërblejë përsëri buxheti i përbashkët. Në këtë fushatë dezinformimi mund të kishim bërë më shumë.

Kur këto investime sulmohen dhe digjen nga vandalë, sigurisht që kush ka bërë investime, i kërkon paratë nga shteti. Kjo nuk ka nevojë të parashikohet në kontratë”, ka thënë ai, përcjell albinfo.ch.