Rama thotë se Meta nuk do të bllokojë dekretimin e qeverisë së re

Kreu i Qeverisë Shqiptare ka shprehur bindjen se qeveria e re nuk do të ketë probleme me dekretimin nga kreu i shtetit, pas kërcënimeve të këtij të fundit gjatë fushatës elektorale

Kryeministri i Shqipërisë, Edi Rama, ka thënë se presidenti Ilir Meta nuk beson se do të ketë rol bllokues, për qeverinë e tij pasi prishjes së koalicionit PS-LSI.

Ai në mëngjes në një kompleks në Llogora ka zhvilluar një intervistë me disa gazetarë të televizioneve shqiptare.  “Çdo kush gabon, jemi njerëz jo robotë. Natyrisht që ka lloj-lloj nivelesh të gabimeve që mund të kenë lloj-lloj kostosh, por nga pikëpamja e mënyrës se si do të zhvillohet kjo marrëdhënie unë nuk shoh shqetësime. Nuk shoh një potencial aq autodestruktiv si Meta që u shfaq në fushatë”, ka thënë Rama.

Kreu i Qeverisë Shqiptare ka shprehur bindjen se qeveria e re nuk do të ketë probleme me dekretimin nga kreu i shtetit, pas kërcënimeve të këtij të fundit gjatë fushatës elektorale, përcjell albinfo.ch.

Rama ka lënë të hapur opsionin e bashkëbisedimit me opozitën gjatë 4 viteve të ardhshme. I pyetur lidhur me mospërfshirjen e ish-ministrit të brendshëm, Saimir Tahiri, Rama ka thënë se qeveria nuk është si kombëtarja.