Gotthard: Dënimi në Zvicër, burgu në Gjermani – irritohen mediat gjermane

Sipas ligjit zviceran, kush vozit mbi 80km/h nga norma e lejuar, bëhet fjalë për "raser", ndërsa në Gjermani për një vepër të tillë dënohesh me 600 euro dhe jo burg, përcjell albinfo.ch.

Keystone Foto nga arkiva

“Vozitje tej normave jashtë shtetit, ndërsa burgu në Gjermani – çfarë do të thotë për pushimet tuaja ky vendim.”, shkruan media gjermane “Bild” të premten. Bëhet fjalë për Christian R. (43), i cili duhet të qëndrojë në burg 30 muaj, falë dënimit në Zvicër.

Rikthim: Christian R. (43) kishte vozitur me mbi 200 kilometra në orë me veturën e tij BMW përmes tunelit Gotthard në Zvicër. Gjykata e kantonit të Tessinit e dënoi 43 vjeçarin gjerman me 30 muaj burg, prej të cilëve një vit duhet ti mbajë me patjetër.

Sipas ligjit zviceran, kush vozit mbi 80km/h nga norma e lejuar, bëhet fjalë për raser, ndërsa në Gjermani për një vepër të tillë dënohesh me 600 euro dhe jo burg, përcjell albinfo.ch.

Kjo është ajo çfarë po irriton një pjesë të madhe të mediave gjermane. “Sido që të jetë unë nuk do shkojë në burg,” thotë Christian për “Bild”. Edhe pse vendimi është i plotë fuqishëm. Por nëse heziton 43 vjeçari, atëherë atë mund ta arrestojnë.