Rashica, në formacionin e javës në Gjermani

(KEYSTONE/DPA/Axel Heimken)

Milot Rashica po shkëlqen në kampionatin gjerman. Tashmë Rashica është shndërruar në futbollistin kyç në skuadrën e Werder Bremen, me gola dhe asistime.

Rashica në ndeshjen e fundit kundër Mainzit shënoi që në minutën e tretë një gol të bukur, derisa më pas asistoi në fitoren prej 3:1 të skuadrës së tij, përcjell albinfo.ch.

Rashica ka tetë gola dhe dy asistime në Bundesligë, derisa po shkëlqen nga fillimi i këtij viti. Ai realizoi edhe në kupë ndaj Borussia Dortmundit në fillim të këtij viti.

Futbollisti nga Vushtrria ishte transferuar në janar të vitit të kaluar nga Vitese, derisa më parë ishte pjesë e Kosovës së Vushtrrisë.