Reagojnë mjekët nga Diaspora për situatën kritike të krijuar në Shqipëri dhe Kosovë

Të respektohen të gjitha rekomandimet e OBSH-së dhe Instituteve të Shëndetit Publik, për mbajtjen e maskave, distancën dhe higjienën personale

Së fundmi, Federata e Mjekëve Shqiptarë në Europë mbas një vidiokonference ka dalë me një reagim për situatën me Covid-19 në Shqipëri dhe në trevat shqiptare, përfishirë edhe Kosovën, shkruan albinfo.ch.

Ata thonë se duhet të respektohen të gjitha rekomandimet e OBSH-së dhe Instituteve të Shëndetit Publik, për mbajtjen e maskave, distancën dhe higjienën personale.

Përveç kësaj, mjekët shqiptarë paralajmerojnë mbylljen e kufijve. Situata e koronavirusit në Shqipëri shikohet me sy kritik nga mjekët shqiptarë që punojnë në vendet europiane dhe Shtetet e Bashkuara të Amerikës.

Duhet të merren masa sepse po rriten fatalitetet dhe rrezikoni të[ mbyllen kufijtë deri në fund të vitit, thotë për albinfo.ch,  mjekja e specializuar në Gjermani, Elona Meta Haubrich, kryetare e Federatës së Mjekëve Shqiptarë në Europë.

Duke ju referuar situatës, Federata e Mjekëve Shqiptarë në Europë ka nisur një sërë sugjerimesh për qeverinë dhe popullatën. Maska të vendoset me detyrim, të rishikohen aktivitetet, të hartohen protokolle, të shtohen testimet, shkruan albinfo.ch.

Mbi 3 mijë mjekë shqiptarë që punojnë në Europë dhe janë pjesë e Federatës, janë vetëofruar për të ndihmuar me ekspertizë mjekësore në hartimin e protokolleve të sakta për të parandaluar përhapjen e virusit në Shqipëri dhe Kosovë. /Albinfo.ch.

DEKLARATË E PËRBASHKË E MJEKËVE SHQIPTARË QË JETOJNË DHE VEPROJNË NË EUROPË DHE SHBA

Federata e Mjekeve Shqiptarë në Europë ndjek me interes dhe është e shqetësuar për situatën aktuale të përhapjes së COVID- 19 në Shqipëri dhe trevat shqiptare.

Duke dashur të kontribuojmë në ndërgjegjësimin e opinionit publik shqiptar, ju drejtohemi të gjithë qytetarëve dhe qeveritarëve, partive politike, organizmave publike e private, shtypit të shkruar dhe të folur, televizioneve publike e private, për tju kërkuar të mos e nënvlerësoni rëndësinë e situatës dhe rrezikshmërinë e përhapjes së virusit.

Federata e Mjekëve Shqiptar në Europë u bënë thirrje qytetarëve shqiptar që tu kthehen rekomandimeve të OBSH, Insituteve te Shëndetit Publik, për mbajtjen e maskave, distancën dhe higjienën personale.

Federata e Mjekëve Shqiptar në Europë rekomandon që maska të bëhen element i domosdoshem i lëvizjes së qytetarëve, sidomos në vendet e mbyllura dhe mosmbajtja e saj të sanksionohet me ligj.

Federata e Mjekëve Shqiptarë në Europë, rekomandon që të zbatohen pa humbur kohë protokollet e përcaktuara nga Ministria e Shëndetësisë si dhe të bëhet riorganizimi i çdo sektori ekonomik dhe social duke u përmbajtur kushteve për parandalimin e virusit.

Federata e Mjekëve Shqiptarë në Europë rekomandon që të shtohen testimet në popullatë dhe të gjurmohen kontaktet e pacienteve pozitivë me Covid-19 në mënyrë  që të izolohen e të shmanget përhapja e metejshme, duke përdorur një strategji të hartuar mirë dhe duke I përfshirë të gjithë aktorët e shëndetit publik në gjurmimin e këtyre kontakteve.

Federata e Mjekëve Shqiptar për Europë kërkon në mënyrë urgjente që të rishikohen masat shtetërore në mënyrë që të parandalohen kastastrofat në vendet shqiptare.

Federata e Mjekëve Shqiptar për Europë kërkon që të ketë mobilizim maksimal të personelit mjekësor për luftimin e COVID-19.

Federata e Mjekëve Shqiptar për Europë është e gatshme të ofrojë ndihmën e saj dhe eskpërtizën e saj, në bashkëpunim me ekspertët shëndetësor të vendeve shqiptarë për hartimin e protokolleve që do të lehtësonin menaxhimin e pandemisë COVID-19.

Sakrificat e bëra nga cdo qytetar dhe puna a palodhur e personelit shendetesor shpëtuan me mijra jetë njerezish.

Federatë e Mjekëve Shqiptarë i ben thirrje të gjithë bashkëatdhetarët të vazhdojnë të jenë të ndergjegjshëm se rreziku nga Covid-19 është i pranishëm dhe real. Virusi qarkullon dhe kërcënon të gjitha liritë që kemi fituar. Rregullat duhet të vazhdojnë të respektohen. /Albinfo.ch.

 

---