Refugjatët në Kosovë duan të shkojnë në Gjermani

Qendra e Azilkërkuesve në Magurë të Lipjanit, gjatë këtij viti ka strehuar 81 refugjatë nga vendet e Lindjes së Mesme, kryesisht nga Afganistani dhe nga Siria. Aktualisht në këtë Qendër janë të strehuar 22 refugjatë

Nga Kosova nuk largohen vetëm të rinjtë, por ka edhe refugjatë që janë strehuar përkohësisht.

Qendra e Azilkërkuesve në Magurë të Lipjanit, gjatë këtij viti ka strehuar 81 refugjatë nga vendet e Lindjes së Mesme, kryesisht nga Afganistani dhe nga Siria. Aktualisht në këtë Qendër janë të strehuar 22 refugjatë, raporton “Evropa e Lirë”.

Njëri ndër ta është Sulman Ali, 22 vjeç nga Pakistani, i cili ka ikur nga vendlindja e tij në kërkim të një jete më të mirë. Pas një rrugëtimi të gjatë, ai tani është i strehuar në Qendrën e Azilkërkuesve në Kosovë. Në Kosovë, ai thotë se do të qëndrojë deri në momentin kur t’i jepet mundësia që të shkojë në Gjermani, atje ku thotë se e ka edhe familjen, përcjell albinfo.ch.

Në Qendrën e Azilkërkueseve në Kosovë, kryesisht janë të rinj të ikur nga vatrat e krizës që kanë përfshirë vendet e tyre.

Autoritetet në Kosovë kanë një plan dhe janë të gatshëm t’i strehojnë më shumë se 3 mijë refugjatë, nëse paraqitet nevoja.

Agjencia për Refugjatë e Kombeve të Bashkuara publikoi të hënën raportin vjetor, i cili nxori në pah se 65.6 milionë njerëz në botë janë refugjatë, azilkërkues ose të zhvendosur brenda përbrenda vendeve të tyre.

VIDEO