Refugjati sirian fiton 1 milion € në lotarinë franceze

30-vjeçari fatlum mbërriti në Francë në vitin 2011 dhe që prej asaj kohe ka bërë punë të ndryshme.

Mësohet se ai i ka marrë paratë e tij që në qershor të vitit që lamë pas, mirëpo këtë javë kjo është bërë publike, pasi federata franceze konfirmoi lajmin për gazetën “Le Parisien”, përcjell albinfo.ch.

Siriani kishte blerë tiketën fatlume në periferi të Parisit, në Seine-Saint-Denis.

Sipas mediave të huaja, ai i ka përdorur paratë për të blerë një apartament dhe dëshiron të sjellë në Francë edhe pjesën tjetër të familjes.

Ai gjithashtu planifikon të hapë një restorant dhe të përmirësojë frëngjishten e tij.

Para mbërritjes në Francë, 30-vjeçari kishte një biznes të vogël në Siri, por u detyrua të largohej nga vendi për shkak të luftës së vazhdueshme. Kjo luftë ka vrarë më shumë se 250 mijë njerëz dhe më shumë se 1 milion refugjatë kanë mbërritur në Evropë.

Ai nuk është refugjat i parë, i cili ka fituar rrugës për të gjetur një vend të ri.

Muajin e kaluar një emigrant i papunë senegalez shpëtoi nga një anije fundosje nga rojat bregdetare spanjolle, fitoi 300,000 £ në një lotari të Spanjës.