Reja shpall listën e Shqipërisë

Në Kombëtare janë rikthyer Ermir Lenjani, por edhe Arlind Ajeti, të dy që aktivizohen në Zvicër

Trajneri i Kombëtares shqiptare, Edi Reja ka shpallur listën zyrtare për dy ndeshjet e radhës kualifikuese të Kampionatit Evropian “Euro 2020”.

Kuqezinjtë në ndeshjen e parë do të jenë mysafirë me Islandën, derisa në sfidën e dytë e presin Moldavinë në Elbasan, përcjell albinfo.ch.

Në portë janë grumbulluar Berisha i Atalantës, Hoxha i Partizanit dhe Selmani i Laçit.

Në repartin e mbrojtjes janë thirrur Aliji, Hysaj, Ismajli, Ajeti, Kumbulla, Balliu, Veseli, Mihaj, Binaku, Dermaku, Mavraj.

Mesfushorët e grumbulluar janë Abrashi, Basha, Memushaj, Kaçe, Ndoji, Qose, Xhaka, Ramadani, Lenjani.

Ndërkohë, në sulm janë thirrur 6 lojtarë, Uzuni, Balaj, Cikalleshi, Sadiku, Grezda, Roshi.

Siç vihet re në Kombëtare janë rikthyer Ermir Lenjani, por edhe Arlind Ajeti, të dy që aktivizohen në Zvicër, derisa është rikthyer edhe Sokol Cikalleshi dhe Odise Roshi. Mungon portieri i Lazios, Thomas Strakosha, për shkak të lëndimit.

---