Shqiperia
Reklamimi në TikTok i sjell Shqipërisë më shumë turistë
Reklamimi nga gazetat prestigjioze, por dhe interesimi i markave ndërkombëtare të hotelerive për të investuar në Shqipëri, kanë rritur këtë sezon veror prenotimet nga turistët me 20-30% që në fillim të majit.
Agjencitë turistike raportojnë se Shqipëria po konsiderohet nga të huajt e të gjitha grupmoshave si “thesari i pazbuluar” i Ballkanit, teksa shumë shtete tashmë janë ezauruar për turistët, transmeton A2, përcjell albinfo.ch.
“Rritja e prenotimeve është mbi 20-30%, kjo dhe për faktin e reklamave pozitive që kemi pasur nga vendet e tjera, të cilat po e shohin Shqipërinë si një vend ekzotik, si një vend i pazbuluar dhe ka interes të madh. Ne këtë vit presim fluks turistësh nga Mbretëria e Bashkuar dhe Spanja. Nga Mbretëria e Bashkuar për shkak të PR pozitiv që kemi pasur nga gazetat që merren me turizmin si BBC Travel, The Mirror, The Guardian, The Sun. Po ashtu edhe në Spanjë, ku interesi është për shkak të emrave gjigantë të hotelerive spanjolle, po vijnë dhe po investojnë në Shqipëri”, shprehet Frenkli Prengaj, operator turistik.
Platforma të ndryshme sociale, por kryesisht reklamimi në Tik Tok i Shqipërisë, kanë ndikuar në boom-in e turistëve këtë sezon, sipas operatorëve turistikë.
“Një tjetër anë ku ne po marrim treg nga turizmi është edhe TikTok. Na kanë rastisur të rinj jo vetëm nga Europa, edhe nga Australia, të cilët shohin trendet e turizmit në TikTok, ku paraqitet Shqipëria, ku dhe aty kemi PR pozitiv se kemi të njëjta plazhe si Greqia, por me çmime më të lira, ashtu edhe të njëjtat alpe, si Zvicra apo Austria, por me çmime më të lira. Pjesa e polakëve dhe Çekëve janë shumë të interesuar për alpet në Shqipëri. E gjithë Europa Lindore po hapet drejt Shqipërisë.”
Më të preferuarat në këtë sezon veror për turistët si vendas dhe të huaj mbeten Thethi e Valbona. Nga agjencitë turistike një interesim i madh është vërejtur edhe për turet ditore, të cilat lidhen më së shumti me kulturën dhe historinë.
Të tjera nga Shqiperia
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas