Rekord në shërbimin civil: Mbi 98 për qind i plotësojnë ditët e shërbimit

Shërbimi civil në përgjithësi zgjat një herë e gjysmë më shumë se shërbimi ushtarak

Zyra Federale për Shërbimin Civil raporton një rekord të ri për ata që i nënshtrohen shërbimit civil në kuadrin e forcave të mbrojtjes, të vendit. 98.3 për qind e atyre që janë liruar vitin e kaluar kanë përfunduar të gjitha ditët e tyre të shërbimit.

Në përgjithësi 4,705 persona janë liruar nga shërbimi civil.

Me mbi 98 për qind sa u arrit në vitin 2024, objektivi prej 97 për qind u tejkalua për herë të tretë radhazi. Zyra Federale ia atribuon këtë kryesisht ndjenjës së fortë të detyrës të atyre që kryejnë shërbimin civil.

Arsyet për shkarkimet me ditë shërbimi të mbetura lidhen me qëndrimet jashtë vendit ose përjashtimin nga detyra, shkruan sda.ch. Vetëm një pjesë e vogël ka të bëjë me shkelje të detyrës ose arsye shëndetësore, sipas departamentit të shërbimit civil.

Për të përmbushur detyrimin, ditët e plota të shërbimit duhet të plotësohen brenda dymbëdhjetë vjetësh, përcjell albinfo.ch. Si rregull, detyrimi është 1.5 herë më i gjatë se shërbimi ushtarak.

---