Rekord testimesh në Kosovë, asnjë viktimë në 24 orët e fundit

Brenda 24 orëve të fundit në Kosovë janë kryer rekord testimesh që nga fillimi i pandemisë dhe asnjë qytetar nuk ka humbur jetën në betejën me COVID-19.

Ishte ministri në detyrë Armend Zemaj që e ka bërë të ditur rezultatin me anë të një postimi në Facebook.

”Brenda 24 orëve, kemi rekord testime që nga fillimi i pandemisë, 3.031 teste dhe nga këto mostra vetëm 246 kanë rezultuar pozitiv me Covid 19, apo në përqindje vetëm 8.1%, ndërsa asnjë qytetar nuk ka humbur jetën në betejën me Covid 19. Përgëzoj për punën e palodhshme Institutin Kombëtar të Shëndetësisë Publike në tërë Republikën e Kosovës! Të dashur qytetarë, kjo situatë e kontrolluar epidemiologjike është arritur falë bashkëpunimit të të gjithëve.Respektoni rekomandimet anti Covid’ shkruan Zemaj.