Rekordet e Roger Federer

Në të vërtetë, ai ka fituar 20 Grand Slame, më shumë se kushdo tjetër te meshkujt

/AFP/Getty Images

Mosha është vetëm numër për kampionin e tenisit, Roger Federer. 36-vjeçari është më i moshuari si numri një në botë, përcjell albinfo.ch.

Por, ylli zviceran mban edhe rekorde të tjera. Në të vërtetë, ai ka fituar 20 Grand Slame, më shumë se kushdo tjetër te meshkujt.

Ai e kishte fituar titullin e parë ATP në vitin 2001 në Milano. Ai duket ende larg pensionimit. Në vitin 2018 ka 12 fitore dhe asnjë humbje. Në vitin 2006 e nisi vitin me 16 fitore. Nëse fiton në finalen e Dubait, ai do të bëjë 17 fitore radhazi.

Në vitin 2005 kishte vetëm katër humbje në 85 meçe. Ai ende mund të mbajë këtë rekord, pasi e ka filluar në mënyrë perfekte vitin.

Triumfi në turneun e hapur të Roterdamit ishte titulli i 97-të ATP në karrierën e tij.

Rekordin për tituj ATP e mban Jimmy Connors me 109 sosh. Federer është pyetur vazhdimisht nëse mendon pensionimin, por ai është në gjendje shumë të mirë fizike, derisa ka mesatare prej 5.1 tituj në vit.

Gjithashtu Connors krenohet me 1256 fitore në karriere, kurse Roger Federerit i mjaftojnë edhe 112 fitore, pasi tani ka 1144.

Federer është tenisti më i suksesshëm me 20 Grand Slame. Por, para tij ka disa femra si Margaret Court (24), Serena Williams (23) dhe Steffi Graf (22). Federer nuk ka gjasa të luajë në French Open këtë sezon dhe do të synojë një kurorë të nëntë në Wimbledon. Gjithashtu është një nga favoritët për të fituar në US Open.