Rekordet e veçanta të Lojërave Olimpike Dimërore

Sivjet Lojërat Olimpike Dimërore kanë qenë më të jashtëzakonshmet ndonjëherë.

Shumë talente botërore kanë siguruar medalje e fitore të paharrueshme në Korenë e Jugut, transmeton Albinfo.ch.

Garat kanë përfunduar, por për të shënuar këtë sukses, faqja e librit të rekordeve “Guinnes” ka përzgjedhur rekordet më interesante të arritura sivjet.

1.      Medalistja më e re në snowboard – Chloe Kim nga Amerika fitoi këtë medalje me vetëm 17 vjet e 296 ditë.

2.    Më së shumti medalje të fituara në Lojëra Dimërore – skitarja norvegjeze Marit Bjorgen ka fituar medalje në 15 gara.

3.    Dygolëshi më i shpejtë nga një lojtar në hokej mbi akull – amerikania Jocelyne Lamoureux-Davidson realizoi dy gola për vetëm gjashtë sekonda.

4.    Më së shumti medalje të arta në snowboard – Shaun White fitoi tri medalje të arta.

5.     Medalisti më i vjetër i artë në skijimin alpin – Aksel Lund Svindal fitoi të artën në moshën 35 vjeçare e 51 ditë.

6.    Më së shumti paraqitje në Lojëra Dimërore nga një atlet – Japonezi i njohur për kërcime me ski Noriaki Kasai është paraqitur tetë herë në Lojëra Dimërore.

7.     Më së shumti pikë në ‘skating’ – Në rrugën drejt fitores, rusja Alina Zagitova fitoi garën me 82.92 pikë në ‘skating’.

8.    Golashënuesja më e vjetër olimpike në hokej mbi akull – finlandezja Riikka Valila realizoi gol në fitoren 7:2 më 17 shkurt ndaj Suedisë, në moshën 44 vjeçare e 250 ditë.

9.    Gruaja e parë që fitoi medalje të arta në sporte të ndryshme – çekja Ester Ledecka fitoi në sbowboard dhe në Super-G në ski.

10.                        Më së shumti medalje nga një shtet në Lojëra Dimërore – Norvegjia fitoi 39 medalje.