Rënie e numrit të rasteve me Covid-19 në Zvicër: 17.309 për 3 ditë

BAG ka raportuar gjithashtu 169 vdekje të reja gjatë tri ditëve të fundit

Zyra Federale e Shëndetit Publik (BAG) ka raportuar sot 17.309 raste të reja që kishin rezultuar pozitive për koronavirusin në ditët e fundit, njofton srf.ch

BAG nuk raporton gjatë fundjavës, kështu që ditëve të hëna publikohet numri i rasteve të tri ditëve të fundit, shkruan albinfo.ch.

Ky numër e vendos mesataren e 7 ditëve në 7288 që është 8 për qind më pak se në javën e kaluar. Trendi i raportuar i infeksioneve të reja është në rënie ndonëse ende në një nivel shumë të lartë.

Të kujtojmë: gjatë dy javëve të kaluara, numri i rasteve të reja të infeksionit ka qëndruar pothuaj në vazhdimësi në mbi 9.000 në ditë. Ndërsa numri i raportuar sot, i ndarë në tri ditë është më i ulët se 6000 raste në ditë.

Shkalla mesatare 7 ditore e rezultateve pozitive aktualisht është 26.7 për qind. Kjo do të thotë se nga 100 teste, mesatarisht 27 teste ishin pozitive.

Mesatarja testeve të realizuara gjatë 7 ditëve të fundit është 29,344 në ditë, që është 6 për qind më e ulët se javën e kaluar, përcjell albinfo.ch.

BAG ka raportuar gjithashtu 169 vdekje të reja gjatë tri ditëve të fundit.

Kantonet aktualisht raportojnë për 3.605 njerëz që po trajtohen në spitale për Covid-19. Kjo është 17 për qind më shumë se në javën e kaluar.

---