Reperi Besko shkakton sërish skandal në Zvicër, plaçkit postën

Ai është kthyer në Zvicër dhe menjëherë ka përfunduar në qendër të vëmendjes

Vite më parë reperi kosovar, Besjan Kacorraj, i njohur me nofkën Besko, ishte bërë temë e nxehtë debati në Zvicër, nëse duhej të dëbohej ose jo për shkak se kishte thyer ligjin disa herë.

Përkundër se ishin angazhuar edhe politikanë dhe reperë të tjerë, ai ishte dëbuar në Kosovë. Albinfo.ch kishte shkruar disa herë për Besko-n dhe rastin e tij.

Por, ai është kthyer në Zvicër dhe menjëherë ka përfunduar në qendër të vëmendjes, shkruan albinfo.ch.

Ai është arrestuar nga Policia Kantonale e Cyrihut, sepse dyshohet për grabitje të armatosur në filialin e një poste në Dubendorf të Zvicrës.

Reperi “Besko” është dëbuar në Kosovë

 

Reperi shqiptar kishte kërcënuar dy të punësuarit në një filial të një poste në qytezën Dübendorf të Zvicrës më 19 shkurt dhe vodhi disa qindra franga, shkruan ‘Blick’.

Ai u arrestua dy ditë më vonë, duke shtuar edhe një vepër penale në dosjen e tij.

Politikani i SVP-së i del në mbrojtje reperit Besko: “Ai i nevojitet Zvicrës”!

Besko ndodhej në Zvicër përkohësisht, pasi prej tre vitesh jeton në Prishtinë. Ai ishte dëbuar nga Zvicra në vitin 2016 dhe i ishte vendosur ndalesë për t’u kthyer në Zvicër në katër vitet e ardhshme, pasi edhe asokohe ishte dënuar për grabitje të armatosur.

Blick raporton se, reperi kosovar ndodhej në Zvicër me një vizë pezullimi e cila jepet në raste të thirrjeve gjyqësore, vdekjes së një anëtari të ngushtë të familjes që jeton në Zvicër apo në rast të vizitës tek ndonjë anëtar i familjes.

Dëbimi i reperit shqiptar bëhet temë e nxehtë debati në Zvicër

 

Reperi Besko do të dëbohet në shkurt nga Zvicra

Reperi i dëbuar në Kosovë, mund t`i kalojë pushimet në Zvicër!

 

---