Reperi kosovar kërcënon policinë zvicerane në videon e tij

Kosovari 19 vjeçar në videon e vet i ka quajtur policët dhe prokurorët me emërtime fyese si “Scheiss-Cops” (policë m...) ose si “bashkim bijsh të kurvave”. Në videon e tij ai bën rap para së gjithash me tekste dhune kundër zyrtarëve

Ndaj një reperi të ri, shtetas zviceran me prejardhje nga Kosova prokuroria publike e Lucernit po zhvillon një procedurë penale për fyerje të policisë përmes një videoje muzikore.

Kosovari 19 vjeçar në videon e vet në emrn e grupit “Gabu1312” i ka quajtur policët dhe prokurorët me emërtime fyese si “Scheiss-Cops” (policë m…) ose si “bashkim bijsh të kurvave”. Në videon e tij ai bën rap para së gjithash me tekste dhune kundër zyrtarëve, shkruan 20minuten.ch “Unë dal mendsh dhe ju çoj të gjithëve në spital” thotë ai veç tjerash duke qëndruar pranë veturave luksoze me tabela të Lucernit dhe e ngre vazhdimisht lart gishtin e mesëm të dorës, transmeton albinfo.ch. Kjo video tashmë ka marrë rreth 9000 klikime në internet.

Siç shkruan gazeta, kosovari është emër i njohur për policinë pasi që ai para kësaj videoje ka kërcënuar policët me thikë.

Prokuroria e Lucernit ka pohuar për gazetën se ka iniciuar hetimet. Por një zëdhënës nuk ka mundur të precizojë nëse këto hetime janë drejtuar vetëm kundër reperit apo edhe kundër personave tjerë në video.

Është e çuditshme se në video kosovari paraqet dy flamuj të huaj: njërin, të PKK-së kurdë, të evidentuar si organizatë terroriste në BE dhe tjetrin, ku shihet fotografia e kryetarit të PKK-së, Abdullah Öcalan-

Sipas penalistit Urs Rudolf, kosovari mund të akuzohet për shumë vepra, si për kërcënim kundër zyrtarëve, fyerje, thirrje publike për krime e dhunë, propagandim të një organizate terroriste etj, përcjell albinfo.ch Por, ka shtuar ai, nuk është e lehtë që reperi të “kapet” konkretisht, pasi që ai gjithnjë flet në veten e parë dhe nuk u bën thirrje të tjerëve për të ushtruar dhunë.