Rikthimi i vizave, goditje për qytetarët e ndershëm të Ballkanit

Shefi i diplomacisë suedeze, deklaroi se me rikthimi i vizave do të shkatërrohet edhe integrimi midis njerëzve të lirë në Evropë

Shefi i diplomacisë suedeze, Karl Bild deklaroi se rikthimi i vizave do të jetë një goditje për qytetarët e ndershëm të vendeve të Ballkanit.  

Duke shprehur rezerva ndaj një vendimi për të rikthyer regjimin e vizave për qytetarët e disa vendeve të Ballkanit Perëndimor, Bild theksoi se kështu do të shkatërrohet edhe integrimi midis njerëzve të lirë në Evropë, transmetojnë mediat e Shkupit.  

Bild ka pranuar se disa vende anëtare të BE-së po përballen me një numër të lartë të azilkërkuesve, por sipas tij, në anën tjetër, edhe qytetarët e vendeve të Ballkanit nuk kanë asnjë arsye për të kërkuar statusin e azilit. 

Shefi i diplomacisë së Suedisë ka kritikuar deklaratën e presidentit të Bundestagut gjerman se duhet të ndërpritet procesi i zgjerimit. Sipas Bild, një sinjal i tillë nxit forcat nacionaliste në Ballkan, dhe kjo nuk është në interesin e askujt.