Rita Ora, “Artistja më e mirë e vitit”

Ceremonia „Glamour Women Of The Year Awards“ u zhvillua mbrëmë në Londër

Pop këngëtarja nga Britania, me prejardhje kosovare, Rita Ora, ka fituar çmimin „Artistja më e mirë e vitit“ në evenimentin e Londrës „Glamour Women Of The Year Awards“

Këngëtarja e lindur në Prishtinë dhe e cila jeton në Londër tha se do të vazhdojë të këndojë pop.  „Unë e dua muzikën time pop”, buzëqeshi Rita Ora në një intervistë për ‘Glamour’, duke paralajmëruar albumin e saj të ri pop. 

Me albumin ‘Ora’, bjondja kosovare është ndarë e kënaqur me suksesin e arritur në top-listat muzikore. „Unë kam dashur vetëm kënëtare të bëhem“, ka thënë Rita.

Ajo për „Glamour“ tha të ketë qenë gjithmonë një magazinë e veçantë. Kosovares i ishte siguruar për herë të parë ballina e kësaj magazine në Britani të Madhe.

Ceremonia „Glamour Women Of The Year Awards“ u zhvillua mbrëmë në Londër, ku vëmendja megjithatë shkoi te Victoria Beckham, e cila u kurorëzua si „Femra e Dekadës“.

Nga fituesit e tjerë, ish-ylli i filmave “Harry Potter”, Daniel Dadcliffe, është emëruar Mashkulli i Vitit, derisa Myleene Klass është emëruar Ndërmarrësja e Vitit