Lajme

Rriten eksportet e Zvicrës gjatë gushtit, arrijnë në 22 miliardë franga

Rritja është 1.4 për qind krahasuar me korrikun, kur eksportet ishin ende në rënie. Importi është rritur për 1.5%

E mërkurë, 21 Shtator 2022 - 19:20 albinfo.ch

Eksportet nga industria zvicerane kanë arritur në kuotën prej pothuajse 22 miliardë frangash në gushtin e vitit 2022, raportohet nga Zyra Federale për Doganat dhe Sigurinë Kufitare, transmeton albinfo.ch.

Rritja është 1.4 për qind krahasuar me korrikun, kur eksportet ishin ende në rënie, si vazhdimësi e pasojave të masave kundër pandemisë.

Gjërat kanë shkuar veçanërisht mirë në industrinë kimike dhe atë farmaceutike, si dhe në industrinë e inxhinierisë mekanike dhe elektrike, shkruan srf.ch.

Gjatë gushtit po ashtu janë importuar më shumë mallra sesa në muajin pararendës.

Importet janë rritur në gusht me 1.5 për qind, duke arritur në 19.5 miliardë CHF krahasuar me korrikun. Më së shumti janë importuar automjetet, makineritë dhe pajisjet elektronike.