Rritet numri i patentë shoferëve të konfiskuar në Zvicër

Keystone EPA/DAVID GONZALEZ

Numri i patentë shoferëve të konfiskuar u rrit me 1% vitin e kaluar. Shpejtësia, drejtimi i mjetit në gjendje të dehur dhe rrezikimi i jetës së të tjerëve nga pavëmendja, janë edhe një herë ndër arsyet më të shpeshta të tërheqjes.

Sipas statistikave për masat administrative, numri i konfiskimeve të patentë shoferëve në Zvicër u rrit në 80,015 në vitin 2023, një rritje prej 0,9% krahasuar me vitin e kaluar (+733 raste), shkruar të martën Zyra Federale e Rrugëve (FEDRO).

Në 58,7% të rasteve, patenta është hequr për shkak të shpejtësisë, drejtimit të mjetit në gjendje të dehur apo rrezikimit të jetës së të tjerëve nga mosvëmendja. Arsyet më të zakonshme të konfiskimit kanë qenë të njëjta për disa vite.

Konfiskimi i patentë shoferëve për shkak të paaftësisë për të drejtuar makinën për shkak të sëmundjes ose dobësisë janë rritur ndjeshëm, duke arritur në 14.1%. Me 5,985 raste, pothuajse është arritur rekordi i dhjetë vjetëve të fundit (6,004 raste në 2017).

Me 21,133 raste, është rritur ndjeshëm edhe numri i ndalimeve të drejtimit me patentë të huaj (+17,8% krahasuar me vitin 2022). Ashtu si me tërheqjen e licencës, shpejtësia ishte arsyeja më e shpeshtë e ndalimeve.

Që nga 31 dhjetori 2023, gati 6.3 milionë njerëz kishin patentë drejtimi për vetura të pasagjerëve në Zvicër./RTS