Rritje e investimeve spanjolle në hotelerinë shqiptare

Obi Onyeador Avatar of user Obi Onyeador Obi Onyeador @thenewmalcolm @thenewmalcolm

Ministri i Turizmit dhe Mjedisit, Blendi Klosi, së fundmi zhvilloi një takim me Ambasadorin e Spanjës, Marcos Alonso, ku vlerësuan bashkëpunimin shumë të mirë në fushën e turizmit si dhe angazhimin për të promovuar më tej Shqipërinë dhe Spanjën si destinacione turistike, duke rritur bashkëpunimin në këtë fushë.

“Shprehëm dëshirën dhe angazhimin për rritjen e investimeve spanjolle në hotelerinë dhe shërbimet turistike në Shqipëri. Spanja mbështet integrimin e Shqipërisë në BE”, tha Klosi.

Po ashtu ai theksoi se “European Green Deal” mbetet një fushë tjetër bashkëpunimi për ruajtjen dhe përmirësimin e mjedisit dhe realizimin e objektivave të fushatës së ministrisë sonë “Clean and Green 2020″.

Media spanjolle “Majorca Daily Bolletin” ka shkruar një artikull për Shqipërinë, si destinacioni më i përshtatshëm për investime në rrjetet e ndërtimit të hoteleve, transmeton albinfo.ch.

Rrjetet hoteliere të Majorkës, të shqetësuara nga rënia e përfitushmërisë vitin e kaular nga aktivitetet që kanë në ishujt Karaibe, po shikojnë destinacione për zgjerim. Një prej destinacioneve që po bëhet më tërheqës është Shqipëria. Kjo e fundit ka hartuar politika për investime të huaja me qëllim të zhvillimit të turizmit në vend, ka shkruar gazeta “Majorca Daily Bolletin”.

Në artikullin e kësaj gazete shkruhet se në muajin e kaluar ka pasur takime mes investitorëve të rrjeteve hoteliere spanjolle dhe zyrtarëve të qeverisë shqiptare. Rrjetet më të njohura spanjolle për investime ishin përfaqësuesit e “Iberostar”, “Mac”, “Jet2” dhe “Viva”.