Rumania dhe Shqipëria me kundërshtarë të njëjtë

Federata e Futbollit e Rumanisë ka bërë të ditur se do të luajë miqësore me Republikën Kongo dhe Ukrainën në Itali në përgatitjet për Kampionatin Evropian që zhvillohet në Francë, shkruan albinfo.

Rumania që përgatitjet do t’i zhvillojë në Itali, më 25 maj do të ndeshet me Kongon, derisa katër ditë më vonë me Ukrainën. Ata kanë programuar edhe një miqësore me Gjeorgjinë më 3 qershor. Siç dihet, edhe Shqipëria do të luajë me Ukrainën në përgatitjet për “Euro 2016”. Pikërisht, Shqipëria dhe Rumania janë në një grup ku bëjnë pjesë edhe Franca dhe Zvicra. Rumania në ndeshjen hapëse ndeshet me Francën, derisa Shqipëria takohet me Zvicrën.