Sa kushton riparimi i tunelit bazë të Gotthard-it

(KEYSTONE/Urs Flueeler)

Qeveria e Ticino-s ka shprehur zhgënjimin për njoftimin e 10 muajve të tjerë të punës përpara se tuneli bazë i Gotthard të rifillojë shërbimin.

Hekurudhat Federale të Zvicrës njoftuan se 7 km trase duhet të zëvendësohen plotësisht pas aksidentit hekurudhor që ndodhi në tubin perëndimor më 10 gusht.

Puna pritet të kushtojë 100 – 130 milionë CHF, shkruajnë mediat zvicerane, përcjell albinfo.ch.

Fillimisht, SBB kishte shpresuar të përfundonte riparimet deri në fund të këtij viti. Tani është e qartë se operimet normale të trafikut nuk do të rifillojnë deri në shtator 2024.

Deri atëherë, një numër i kufizuar trenash pasagjerësh dhe mallrash mund të kalojnë përmes tubit lindor të padëmtuar.