Saranda Bogujevci tregon plagët e luftës para Këshillit të Evropës

E mbijetuar nga lufta e fundit, nënkryetarja e Kuvendit të Kosovës, Saranda Bogujevci, ka rrëfyer në në Asamblenë e Këshillit të Evropës për plagët që i janë shkaktuar si 13-vjeçare në një nga masakrat e luftës në Kosovë.

“25 vjet më parë si 13-vjeçare i kam mbijetuar një masakre të ushtrisë serbe, që atëbotë ishte udhëhequr nga njerëzit që ende udhëheqin Serbinë tash dhe ishin pjesë e atij regjimi. Si 13-vjeçare unë mbeta e shtrirë në një grumbull të trupave të familjes sime me 16 plumba. Sot kam ende këto shenja në dorë, e pjesët e tjera të trupit tim”, ka deklaruar ajo.