Saranda do të bëhet me aeroport turistik

Edhe Saranda po bëhet me aeroport turistik. Kështu të paktën ka njoftuar kreu i qeverisë së Shqipërisë Edi Rama.

Pas qytetit të Vlorës edhe Saranda do të ketë aeroport turistik.

Kjo u bë e ditur nga ana e Kryeministrit të Shqipërisë, Edi Rama.

Qeveria shqiptare tashmë po bën realitet ëndrrën dhe ambicien për të fuqizuar infrastrukturën sa i përket aeroporteve.

Edi Rama ka marrë pjesë në ceremoninë e hapjes së punimeve për byepass-in e Tepelenës, ku tha se fushata elektorale për të fuqizuar infrastrukturën aeroportuale është në rrugën e realizimit.

“Jemi në proces dhe së shpejti do të finalizojmë edhe kontratën për të çelur aeroportin e Kukësit. Po ashtu jemi në proces dhe së shpejti finalizohet kontrata për të ndërtuar aeroportin e ri ndërkombëtar të Vlorës. Kemi nisur procesin për të bërë vlerësimet e nevojshme për të ndërtuar aeroportin turistik të Sarandës”, ka thënë Rama.