Lajme
SBB ua fal qiratë 1200 lokaleve për kohën e pandemisë
Këto janë kryesisht dyqane dhe restorante në stacionet e trenave, njofton Ndërmarrja Federale e Hekurudhave, SBB
SBB ka vendosur të zhdëmtojë qiramarrësit e saj: bizneset që janë mbyllur për shkak të krizës së koronavirusit nuk do të paguajnë qira për gjithë kohën sa ka zgjatur bllokimi. Këto janë kryesisht dyqane dhe restorante në stacionet e trenave, njofton Ndërmarrja Federale e Hekurudhave, SBB, shkruan srf.ch.
Bizneset që janë lejuar të qëndronin të hapura gjatë asaj kohe, do të përfitojnë ulje të qirasë, shuma e së cilës varet nga rënia e shitjes që kanë pësuar, transmeton albinfo.ch. Qiramarrësit e zyrave dhe hapësirave të banimit janë të përjashtuar nga ulja e qirave, thuhet më tutje në njoftim-
Në tërësi, nga kjo përfitojnë bartësit e 1200 kontratave të qirasë. Në varësi të kohës sa janë dëmtuar, kjo fazë llogaritet nga 17 marsi deri më 26 prill, 10 maj oapo edhe deri më 8 qershor 2020.
Me këtë rregullore, SBB dëshiron të “mbështesë qiramarrësit e saj të bizneseve, të kontribuojë në planifikimin e tyre të sigurisë dhe likuiditetit dhe të nderojë marrëdhëniet biznesore që ka pasur me to, të cilat, në disa raste janë prej një kohe të gjatë”.
Lokalet e prekura do të kontaktohen në ditët e ardhshme. Ato nuk ka nevojë të bëjnë kërkesë për uljen e qirasë.
Siç thuhet më tej në njoftim, SBB kishte marrë masa të menjëhershme për të akomoduar qiramarrësit e saj menjëherë pas bllokimit, përcjell albinfo.ch. Për shembull, afati i pagesës për interes të qirasë qe zgjatur për 60 ditë nga marsi i vitit 2020, dhe gjithashtu qenë ngritur afatet minimale të hapjes për të gjitha bizneset.
E-Diaspora
-
Bëhet publike agjenda e Forumit shqiptaro-zviceran në Gjenevë Më 19 prill do të flasin figura më të njohura të ndërmarrsëve shqiptarë te ndërtimit, financave...
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
-
Gjykata Federale “dëbon” kosovarin, edhe pse ka jetuar 28 vjet në Zvicër
Jeta në Zvicër
-
Në cilën prej komunave zvicerane jetohet më mirë? Çiftet me të ardhura të larta pa fëmijë mund të kursejnë 40,000 franga duke kaluar nga...
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër
-
Gjeneva nxjerr në ankand targa unike