Schweiz – Suisse – Svizzera: Një shoqëri multikulturore

Heisse Rhythmen, gute Stimmung und jede Menge Multikulti im Kreis 4, am Samstag, 7. Juli 2012 am Caliente Festival in Zuerich. (KEYSTONE/Alessandro Della Bella)

Sondazhi i titulluar “Zvicra – shoqëri multikulturore” si studim plotësohet edhe me anketimet e bëra me 1500 zvicerane të reja, duke u bërë kështu hulumtimi më voluminoz i realizuar deri tash në Zvicër lidhur me kompetencat gjuhësore e kulturore të zviceranëve të moshës së re si dhe mendimin e tyre lidhur me to.
Repertori gjuhësor i të rinjve është i shumanshëm: në studim janë përfshirë 126 gjuhë të ndryshme me të cilat shërbehen ose të cilat i njohin ata. Ajo që është testuar ka qenë njohja e gjuhëve të vendit (pa gjuhën amtare) dhe e anglishtes, nga niveli më i ulët (A1) deri te më i larti (C2). Po ashtu për gjuhë tjera për të cilat të rinjve u kanë munguar njohuritë, kanë mundur të përgjigjen me nivelin zero (0).
Sa i përket njohjes së gjuhëve të vendit është konstatuar se kompetencat gjuhësore për gjuhët gjermane, franceze dhe italiane te të rinjtë janë në një nivel modest, gjegjësisht sillen rreth nivelit A2. Ndërsa te njohja e anglishtes dhe sidomos të retromanishtes të rinjtë janë në nivel dukshëm më të lartë, thuhet në njoftimin e ardhur nga Departamenti federal për mbrojtje dhe sport.
Në kuadrin e diversitetit kulturor zviceranët dhe zviceranet e moshës së re tregojnë se kanë shumë kontakte, qoftë të fituara nga udhëtimet jashtë vendit (pasi që më shumë një e treta e tyre nga mosha 12 vjeçare kanë bërë ndonjë udhëtim jashtë Zvicrës) qoftë në kuptimin e lidhjeve miqësore. Këto të fundit te më shumë se një e katërta e të rinjve janë më të shpeshta se miqësitë me zviceranë.
Sa i përket integrimit, të rinjtë dhe të rejat, kanë mendim shumë pozitiv lidhur me praninë e bashkësive të migrantëve në Zvicër. Por nga ana tjetër ata presin që të huajt të dëshmojnë vullnetin e tyre për integrim më fuqishëm. Ata megjithatë kanë thënë se kanë mirëkuptim për nevojat religjioze dhe kulturore të nejrëzve me sfond të huaj.
Nga studimi rezultojnë katër rekomandime të përgjithshme të cilat pastaj ndahen në 25 propozime konkrete për marrje të masave.
Këto janë rekomandimet:
1. Për angazhim të një etosi politik me shumëgjuhësi dhe figurativ;
2. Shumëgjuhësia te personat që marrin mësime të mbështetet nga një sërë masash praktike;
3. Mësimi i gjuhëve të vendit të realizohet në mënyrë më të përshtatshme përmes lksioneve dygjuhësore;
4. Të thellohen dhe të vazhdohen përpjekjet lidhur me integrimin politik duke respektuar diferencat kulturore.