Së shpejti në votim në OKB, rezoluta e SHBA-së që kërkon armëpushim të menjëhershëm në Gaza

Këtë javë, mund të hidhet në votim rezoluta e Shteteve të Bashkuara të Amerikës në Këshillin e Sigurimit të Organizatës së Kombeve të Bashkuara për Gazën.

CNN ka raportuar duke u bazuar në burime diplomatikë të afërta me çështjen teksa rezoluta, në të cilën SHBA-ja ka qenë duke punuar për disa javë, thërret për “armëpushim të menjëhershëm dhe të qëndrueshëm, e po ashtu lirimin e të gjitha pengjeve izraelite”, transmeton albinfo.ch.

Sekretari amerikan i Shtetit, Antony Blinken, ka thënë dje se shpreson shumë që shtetet do ta mbështesin rezolutën amerikane, pasi sipas tij kjo do të përcjellte një mesazh të fortë.

Ndërkaq, diplomati ka thënë se po punohet që të bëhet i mundur kalimi i rezolutës, ndonëse Rusia ka kërcënuar më parë me veto.