Lajme

Sebastian Kurz anulon takimet, i nënshtrohet testit Covid -19

Një punonjës i ngushtë i kancelarit austriak Sebastian Kurz doli pozitiv për Covid-19.

E hënë, 5 Tetor 2020 - 19:00 albinfo.at

Keystone (Roland Schlager/APA via AP, Pool)

Tani i gjithë personeli i lartë qeveritar duhet të bëjë testin e koronavirusit.

Kancelari austriak, Sebastian Kurz, ka anuluar të gjitha angazhimet e tij, dhe duhet t’i nënshtrohet testit për koronavirus. Kjo pasiqë një bashkëpunëtor i tij i ngushtë i kabinetit qeveritar (emri mbetet anonim) ka rezultuar pozitiv me Covid -19, shkruan heute.at, përcjell Albinfo Austria.

Edhe zëvendëskancelari Werner Kogler (Partia e Gjelbër) dhe gjithë personeli i Sebastian Kurz janë testuar.

Gjithashtu bëhet e ditur se deri më tash Kurz nuk është në karantinë.

Kurz dhe Kogler për herë të fundit janë takuar me personin anonim ditën e mërkurë.