Serbi: Protestohet kundër planit evropian, edhe me simbole të Wagner-it

Foto nga protesta e pare

Një ditë para takimit mes liderëve të Kosovës dhe Serbisë në Ohër, në Beograd është protestuar kundër një marrëveshjeje të mundshme.

Nëpër rrugët e kryeqytetit të Serbisë qytetarët patën thirrjet “Kosova është Serbi” dhe “Jo kapitullim”. Madje në mesin e protestuesve pati edhe persona të maskuar, të cilët ishin të veshur me rroba që mbanin simbolet e grupit paramilitar rus “Wagner”, raporton Radio Evropa e Lirë, përcjell albinfo.ch.

Ata në duar mbanin edhe mbishkrimin “Populli dhe kisha në mbrojtje të shtetit, kundër tradhtisë, kjo është zgjidhja e vetme”.

Mijëra persona iu përgjigjen thirrjeve të partive parlamentare të djathta, u mblodhën pranë Kishës Shën Sava dhe marshuan drejt Presidencës së Serbisë duke brohoritur “Ne nuk do ta japim Kosovën, “Kosova është Serbi”, raporton REL, përcjell albinfo.ch.

Më 18 mars në Ohër takohen Kryeministri i Kosovës, Albin Kurti, dhe Presidenti i Serbisë, Aleksandar Vuçiq, për të negociuar mbi planin e zbatimit të Marrëveshjes për normalizim të marrëdhënieve mes palëve.