Lajme

Sërish rritje e numrit të infeksioneve në Zvicër: 193 për një ditë

Me përjashtim të të hënës, BAG gjatë javës së fundit ka njoftuar në vazhdimësi për numra treshifrorë (mbi 100) të infeksioneve me koronavirus

E mërkurë, 29 Korrik 2020 - 12:55 albinfo.ch

(KEYSTONE/Laurent Gillieron)

Zyra Federale e Shëndetit Publik të Zvicrës (BAG) njofton se gjatë 24 orëve të fundit, në Zvicër janë raportuar 193 raste të reja të infeksionit me Covid-19.

Kjo shifër tregon për një rritje të konsiderueshme të rasteve, duke qenë se një ditë më parë, të martën, ishin raportuar 132 infeksione ndërsa të hënën, vetëm 65 sosh, transmeton albinfo.ch.

Me përjashtim të të hënës, BAG gjatë javës së fundit ka njoftuar në vazhdimësi për numra treshifrorë (mbi 100) të infeksioneve me koronavirus.

Gjatë 24 orëve të fundit janë realizuar gjithsej 8009 testime ndërsa 14 persona janë dërguar në spital për shkak të infektimit me Covid-19.

Deri më sot, sipaa BAG, nga koronavirusi në Zvicër kanë vdekur 1703 persona.