Lajme

Sërish tërmet në rajonin kufitar Turqi-Siri

Tërmeti i së hënës, këtë herë 6.3 shkallë i Rihterit, ka pasur epiqendër qytetin jugor turk, Antakia dhe është ndier në Siri, Egjipt dhe Liban.

E hënë, 20 Shkurt 2023 - 20:20 albinfo.ch

Një tjetër tërmet ka goditur të hënën rajonin kufitar të Turqisë dhe Sirisë, vetëm dy javë pasi kjo zonë është shkatërruar nga tërmetet që kanë lënë të vdekur mbi 47.000 njerëz.

Tërmeti i së hënës, këtë herë 6.3 shkallë i Rihterit, ka pasur epiqendër qytetin jugor turk, Antakia dhe është ndier në Siri, Egjipt dhe Liban, raporton rel, përcjell Albinfo.ch.

Thellësia e këtij tërmeti ka qenë vetëm dy kilometra, sipas Qendrës Evropiane Sizmologjike.

Nga tërmetet mbi 7 shkallësh që goditën Turqinë dhe Sirinë para dy javësh, sipas autoriteteve turke, vetëm në Turqi kanë vdekur mbi 41 mijë persona.

Numri i viktimave pritet të rritet, derisa besohet se mbi 385.000 banesa janë shkatërruar apo janë dëmtuar rëndë.

Presidenti turk, Recep Tayyip Erdogan, ka thënë se puna për ndërtim të gati 200.000 banesave në 11 provincat e prekura nga tërmeti në Turqi do të nisë muajin e ardhshëm.

/Albinfo.ch/

 Të tjera nga Lajme

Frangu zviceran thyen rekorde të reja ndaj euros dhe dollarit

 E-Diaspora

 Jeta në Zvicër