Shabani bën zgjedhjen e tij

Futbollisti i Bayern Munichut, Meritan Shabani, ka bërë zgjedhjen e tij se për cilin kombëtare do të luajë

Meritan Shabani konsiderohet si një nga talentet më të mëdha shqiptar të futbollit.

Futbollisti i Bayernit ka bërë debutimin në ekipin e parë, derisa gjithashtu ka nënshkruar edhe kontratë profesioniste me skuadrën bavareze, shkruan albinfo.ch.

Shabani po kërkohet nga Kosova dhe Shqipëria. Megjithatë, ai duket se ka zgjedhur të përfaqësojë Gjermaninë. Së paku për grupmoshat e reja.

Shabani është paraqitur në ndeshjen miqësore mes Gjermanisë U-20 dhe Holandës U-20. Madje, ka shpërndarë fotot në rrjetet sociale, duke treguar kështu për zgjedhjen e tij.

Ndërkohë, në bankën rezervë ishte Florent Muslija, futbollisti shqiptar që luan për Hannoverin, dhe ka shënuar një gol në Bundesliga.

---