Shabani shënon golin e parë për Bayernin

Meritan Shabani ka shënuar një gol të bukur me kokë ndaj Manchester Cityt

Mesfushori shqiptar, Meritan Shabani, edhe një herë ka qenë titullar për Bayernin në turneun në SHBA, “International Champions Cup”.

Shabani luajti për 90 minuta për Bayernin kundër Manchester Cityt, dhe shënoi golin e parë në këtë ndeshje, derisa në fund skuadra e tij pësoi nga anglezët me rezultat 3:2, shkruan albinfo.ch.

Futbollisti me prejardhje nga Istogu shënoi në minutën e pestë të ndeshjes me kokë, pas harkimit nga e djathta të Rafinha-s.

Ky ishte goli i parë për të në fanellën e Bayern Munichut. Ai ka luajtur edhe 45 minuta nga Paris Sant Germain dhe 45 minuta kundër Juventusit.

Shabani është vetëm 19 vjeçar dhe premton shumë për të ardhmen. Kujtojmë që ka nënshkruar kontratë profesioniste me Bayernin.

https://www.youtube.com/watch?v=m8Nb4uiPZLQ