Shaqiri, ‘10’-shi i Zvicrës

Pas largimit të Blerim Xhemailit, Xherdan Shaqiri pritet të luajë pas sulmuesve

Vlera e Xherdan Shaqirit në ekipin e Zvicrës është e madhe. Pasi Blerim Xhemaili nuk është grumbulluar, është e qartë se Xherdan Shaqiri do të luajë rolin e numrit 10 në fushë, shkruan ‘Blick’.

Ndeshja ndaj Islandës në Ligën e Kombeve që do të zhvillohet të shtunën nga ora 18:00, do të jetë e 75-të për Shaqirin me fanellën e Zvicrës, përcjell albinfo.ch.

Si numër 10 në fushë, ai do të ketë shumë liri. Gjithashtu ka lindur më 10.10. Me 21 gola, ai është shënuesi më i mirë në skuadër, derisa Haris Seferoviq është i dyti me 12 gola, në ekipin aktual.

Ekspertët pajtohen se Shaqiri duhet të jetë ‘10’-shi i Zvicrës. Ish-trajneri i Zvicrës, Ottmar Hitzfeld ishte shprehur se pozita më e mirë e Shaqirit në fushë është 10-shi.

Gjithashtu edhe ish-trajneri i Zvicrës, Rolf Fringer, pajtohet plotësisht. Shaqiri duhet të luajë pas sulmuesve. Do të ketë më shumë hapësirë dhe mund të japë më shumë.

Ndeshja debutuese e tij ishte në mars të vitit 2010, gjithashtu me datë 10.

---