Shaqiri emërohet kapiten i Zvicrës kundër Spanjës, në mungesë të Xhakës

(KEYSTONE/Peter Klaunzer)

Xherdan Shaqiri do ta udhëheqë Zvicrën si kapiten, në mungesë të kapitenit të parë Granit Xhaka, në çerekfinale kundër Spanjës të premten në Euro 2020.

Kapiteni Xhaka do të mungojë kundër Spanjës sepse është i pezulluar, prandaj shiriti i kapitenit do t’i bartet kosovarit tjetër, anësorit Shaqiri, shkruajnë mediat zvicerane, përcjell albinfo.ch.

Ylli i Liverpoolit – i cili i shënoi dy gola në fazën grupore për ta dërguar Zvicrën në 1/8 e finales ku ekipi helvetik shkroi historinë duke e arritur çerekfinalen e parë në një turne të madh pas fitore në penallti kundër Francës – do ta bartë shiritin e kapitenit për herë të parë në karrierën e tij me kombëtare.