Shaqiri kërkon largimin prej Lyonit për t’u transferuar në Amerikë

Gazeta zvicerane Blick ka raportuar ekskluzivisht se Xherdan Shaqiri ka kërkuar largimin nga Lyoni për ta vazhduar karrierën në MLS.

Skuadra amerikane Chicago Fire është duke kërkuar transferimin e Shaqirit në MLS.

Sipas Blick, Shaqiri i ka kërkuar Lyonit që ta lënë të lirë dhe të mos e thërrasin për ndeshjen e së shtunës ndaj Monacos.

Chicago Fire është gati që të paguajë një shumë te Lyoni për transferimin e anësorit kosovar në MLS qysh në javën e ardhshme.

Lyon pagoi gjashtë milionë euro për transferimin e Xherdanit dhe kjo shumë duket se do të paguhet edhe nga klubi amerikan.

Aktualisht te Chciago është drejtor sportiv zvicerani Georg Hitz që ka një marrëdhënie të shkëlqyer me Shaqirin.

Shaqiri aktualisht fiton 350 mijë euro në muaj dhe Chicago është gati t’i ofrojë edhe më shumë që t’i marrë shërbimet e tij.

---