SHBA-ja do të ndalojë importet e naftës ruse

(KEYSTONE/AP Photo/Matt Rourke)

Presidenti amerikan, Joe Biden, pritet të shpallë ndalimin e importeve të naftës ruse nga SHBA-ja gjatë ditës së sotme.

Njoftimi pritet të vijë si sanksioni i fundit në përgjigje të pushtimit të Ukrainës nga Moska, shkruan BBC.

Shtëpia e Bardhë tha se Biden do të flasë sot për të “shpallur veprimet për të vazhduar ta mbajë Rusinë përgjegjëse për luftën e saj të paprovokuar dhe të pajustifikuar kundër Ukrainës”.

Administrata e Biden-it ka qenë nën presion nga ligjvënësit amerikanë për të ndërmarrë këtë hap.