SHBA: Nëntoger Çlirim Gërguri, oficeri i parë ndërkombëtar i diplomuar në EBLOC

Oficeri i FSK-së shpërblehet me çmimin ‘Ironman Award’ në SHBA

Nëntoger Çlirim Gërguri, oficer i Forcës së Sigurisë së Kosovës, ka diplomuar me sukses në Kursin Bazë të Inxhinierisë për Oficerë (EBLOC) në Shtetet e Bashkuara të Amerikës, duke shënuar një arritje historike, përcjell albinfo.ch.

Ai është bërë oficeri i parë ndërkombëtar në historinë e këtij kursi që u kualifikua dhe mori pjesë në Sapper Ranger Train-up, ndërsa u dallua edhe me çmimin prestigjioz “IMO Ironman Award”. Ky vlerësim iu dha për aftësitë e larta në udhëheqje, menaxhimin e detyrave, stërvitjet fushore, qitje dhe rezultate të shkëlqyera akademike.

Përfundimi i suksesshëm i këtij kursi përbën një arritje të rëndësishme si për karrierën e tij profesionale, ashtu edhe për institucionin që përfaqëson. FSK thekson se mbështetja e oficerëve në zhvillimin profesional dhe ngritja e standardeve të mbrojtjes e sigurisë mbetet prioritet i saj./Albinfo.ch

---