SHBA ngre nevojën e kontrollimit të Intelegjencës Artificiale

Ligjvënësit amerikanë po përballen me nevojën për të vendosur rreth ndikimit në rritje të inteligjencës artificiale (IA), por disa muaj pasi ChatGPT tërhoqi vëmendjen e Uashingtonit, konsensusi nuk është i sigurt, ndërkohë që ka një sërë propozimesh në diskutim.

Disa propozime fokusohen në IA dhe rrezikun që ka për jetën e njerëzve, si në diagnostikimin në mjekësi dhe në financë.

Mundësi të tjera përfshijnë rregulla, për të siguruar që IA të mos përdoret për të diskriminuar ose shkelur të drejtat civile të individëve.

Nëse Kongresi vendos se nevojiten ligje të reja, Komisioni i IA i SHBA-së, shprehet se “rreziku duhet të përcaktohet nga ndikimi që inteligjenca artificiale ka te individët”.

Rritja e popullaritetit të së ashtuquajturës IA gjeneruese (generative AI), e cila përdor të dhëna për të krijuar përmbajtje të reja, ka ngjallur shqetësime se teknologjia me zhvillim të shpejtë, mund të nxisë mashtrimin në provime dhe keqinformim.

Ndërsa ligjvënësit janë të vendosur të trajtojnë çështjet e IA, Kongresi është i ndarë në dy pole.

Gjithashtu, zgjedhjet presidenciale do të zhvillohen vitin e ardhshëm dhe ligjvënësit po trajtojnë çështje të tjera me të rëndësishme, si rritja e tavanit të borxhit.

Plani i propozuar kërkon, që ekspertë të pavarur, të testojnë teknologjitë e reja të IA, përpara përdorimit të tyre nga të gjithë.

Ai gjithashtu bën thirrje për transparencë dhe që qeveria të ketë të dhëna të mjaftueshme për të shmangur dëmet.

Mikromenaxhimi i qeverisë

Ligjvënësit kanë diskutuar gjithashtu mënyrën më të mirë, për të siguruar që AI të mos përdoret për diskriminime dhe racizëm, ndoshta për të vendosur se kush merr një hipotekë me interes të ulët.

Në OpenAI, stafi ka menduar për një mbikëqyrje më të gjerë.

Cullen O’Keefe, shkencëtar kërkimor i OpenAI, propozoi krijimin e një agjencie, që do të licenconte kompanitë e IA.

E pyetur në lidhje me propozimin, shqiptaro-amerikania Mira Murati, drejtuese teknologjike në OpenAI, tha se një organ i besueshëm mund t’i “bëjë përgjegjës zhvilluesit” ndaj standardeve të sigurisë.

Por, më e rëndësishme është marrëveshja “se cilat janë standardet, si dhe cilat janë rreziqet, që po përpiqeni të zbusni”.

Rregullatori i fundit i madh që u krijua ishte Byroja e Mbrojtjes Financiare të Konsumatorit, pas krizës financiare 2007-2008.

“Ne duhet të jemi të kujdesshëm, që propozimet rregullatore të IA, të mos bëhen mekanizmi për mikromenaxhimin qeveritar të kodit kompjuterik, si motorët e kërkimit dhe algoritmet”, tha një përfaqësues republikan i Senatit. / Reuters

---