“Shën Tereza, shqiptarja e gjithë botës”, sepktakël më 25 qershor në Shkup

Shën Tereza, shqiptarja e gjithë botës, “spektakli që do të mbledhë 15 filantropët shqiptarë në Teatrin e Operës dhe Baletit, shkruan albinfo.ch.

“Shën Tereza, shqiptarja e gjithë botës”, spektakli më i madh humanitar që do të realizohet për herë të parë në Shkup (Maqedonia e Veriut). Një spektakël i madh, ku do të nderohen me çmimin e “Nënë Terezës” 15 personalitete, të cilët kanë realizuar vepra të mëdha humanitare në jetën e tyre, por që nuk e kanë “bërtitur” filantropinë e tyre.

Për rreth dy orë transmetim të drejtpërdrejtë, publiku do të njohë emrat e bamirësve të mëdhenj shqiptarë nga Kosova, Maqedonia e Veriut e diaspora.

Emra të mëdhenj të muzikës klasike, por edhe artistë të tjerë do të jenë të pranishëm në këtë mbrëmje, si: tenori Kastriot Tusha, këngëtaria Kejsi Tola, orkestra me 40 instrumentistë, të cilët do të shoqërojnë artistët në skenë, ansambli shtetëror i këngëve dhe valleve shqiptare në Maqedoninë e Veriut.

Spektakli i madh “Shën Tereza, shqiptarja e gjithë botës” vjen për herë të parë në Shkup, mes një bashkëpunimi i “Guga Production” Tv Klan Plus e Klan Macedonia. Ky eveniment i madh humanitar do të zhvillohet në muajin qershor, në sallën e Teatrit Kombëtar të Operës në Maqedoninë e Veriut.

Kujtojmë që edicioni i parë i spektaklit “Shën Tereza, shqiptarja e gjithë botës”, ka pasur edicionin e tij të parë në muajin shtator të vitit 2019 në Prishtinë, në sallën “1 Tetori.