Shkup: Shfaqjes nga Kosova “Zgjimi i pranverës”, çmimi kryesor

Shfaqja nga Kosova “Zgjimi i pranverës” fiton çmimin kryesor në Festivalin e Teatrit në Shkup

Së fundmi, shfaqja e prodhuar nga Teatri Kombëtar i Kosovës dhe Artpolis- Art dhe Qendra e Komunitetit “Zgjimi i pranverës”, ka arritur të fitojnë çmimin kryesor në Festivalin Ndërkombëtar të Teatrove në Shkup, përcjell albinfo.ch.

Kjo shfaqje është e punuar nga regjisorja Zana Hoxha dhe është e autorit Frank Wdekind.

Juria e festivalit ka vlerësuar lart konceptin  artistik dhe teatral të shfaqjes, e cila ka sjellë edhe drejtim të ri të shprehjes teatrore, së cilës vendosi që t’i dhurojë edhe çmimin kryesor “Grand Prix”,si shfaqja më e mirë e festivalit.

“Për shkak të konceptit të saj të fortë regjisorial dhe estetikës bashkëkohore teatrore, duke sjellë një drejtim të ri të shprehjes teatrore ballkanike, që është në hap me atë evropiane, duke vepruar në fushën e teatrit,  përdorur muzikë, dramë, vallëzim dhe video, me aktrim që shtyjnë kufijtë e zakonshëm, duke përfshirë edhe reagimin e audiencës, Juria e përzgjedh “Zgjimi i Pranverës”, të autorit Frank Wedekind, me regji nga Zana Hoxha dhe prodhuar nga Teatri Kombëtar i Kosovës dhe Artpolis – Art dhe Qendra e Komunitetit si “Shfaqja më e mirë”, duke e shpërblyer me çmimin “Grand Prix” , thuhet në vlerësimin e jurisë.

Ky ishte edicioni i 14-të i ITF SkupiFestival. /Albinfo.ch

---