Lajme

Shfaqje teatrale për yllin e muzikës, Loredana, dhe politikanen e suksesshme, Ylfeten

Shfaqje e re teatrale me mysafirë nga Zvicra “King Lori – Instagration”

Bashkëproduksion i “Zürcher Institut für bewegende Künste” me Qendrën Multimedia dhe “Kleintheater Luzern” po realizojnë një shfaqje teatrale nga Jeton Neziraj, regjia: Katharina Cromme, me artistë Susanne Abelein dhe Julia Schmidt, shkruan albinfo.ch.

Për shfaqjen do të mund të shihni origjinën shqiptare dhe ‘kredibilitetin’ e rrugës drejt suksesit në një shtet, këngë dhe debate, pushtet dhe media, ndjekës në rrjete sociale dhe zgjedhjet.

Vlen të theksohet se King Lori – Instagration është një dramë për dy personazhe imagjinare; Loredanën dhe Ylfeten, që në jetën reale ato janë dy femra të suksesshme në fushat e tyre përkatëse dhe, në fakt, janë dy emra suksesi në shtetin e Zvicrës.

Përmes muzikës dhe debatit, shfaqja ndriçon dinamikat kontraverse të yllit të muzikës, Loredana Zefi dhe politikanes së suksesshme, Ylfete Fanaj, shkruan tutje albinfo.ch.

Të dyja nga Lucerni, të dyjat me prapavijë emigrimi. Por, krijuesit e kësaj shfaqjeje, megjithatë këmbëngulin që këto dy personazhe janë imagjinare. Si në ndonjë përrallë, ose nga Netflx-i, ose nga Instagrami. /Albinfo.ch

Shfaqje e re teatrale me mysafirë nga Zvicra:

King Lori – Instagration

➡Gjilan, më 15 mars 2022, Teatri i Qytetit të Gjilanit, 19:00

➡Ferizaj, më 16 mars 2022, Teatri “Adriana”, 20:00

➡Prishtina, më 17&18 mars 2022, Teatri ODA, 20:00

 

Photo by – Embassy of Switzerland in EKosovo
Photo by: Embassy of Switzerland in Kosovo

 


LAJME INTERESANTE NGA INTERNETI