Shkalla e papunësisë në Zvicër ka rënë në 3.5%

Shkalla e papunësisë ka shënuar rënie të lehtë në Zvicër. Shifrat flasin për një rënie në  3.5% në muajin prill në krahasim me 3.6% sa ishte në muajin mars. Në fund të muajit të kaluar, 149’540 persona janë regjistruar në zyrat e punësimit rajonale (RAV).

Bëhet fjalë për  5’784 persona më pak se muajin e kaluar, njofoti të martën Sekretariati i Shtetit për Çështje Ekonomike (SECO). Në terma vjetor, megjithatë, papunësia është rritur me 6% ose 8’409 persona.

Ndërsa papunësia e të rinjve, të moshës 15 deri 24, ka rënë në 5.5% në krahasim me muajin mars. Numri i njerëzve që kërkojnë punë në këtë moshë është rritur në 17’871 apo më pak se në muajin mars 1’036. Në krahasim me të njëjtin muaj të vitit të kaluar, SECO, megjithatë, ka regjistruar një rritje prej 2.2%.