Shkencëtari zviceran nga Lozana, fitues i Nobelit për kimi

Nobelin për kimi e kanë marrë Jacques Dubochet, Joachim Frank dhe Richard Henderson

Keystone

Çmimi Nobel për kimi për vitin 2017 u është ndarë tre kimistëve për zhvillimin e mikroskopisë krio-elektronike por konfirmimin e strukturës së biomolekulave në rezolucion të lartë, njoftoi Akademia Mbretërore suedeze për Shkencë.

Nobelin për kimi e kanë marrë Jacques Dubochet, Joachim Frank dhe Richard Henderson.

“Së shpejti do të kemi pamjet e detajuara të makinerisë komplekse të jetës në rezolucion atomik”, shkruan në njoftimin e Akademisë. Në tekst po ashtu përmendet që mikroskopia të cilën e zhvilluan këta shkencëtarë thjeshtëson dhe avancon pamjen e imazhit të biomolekulave. Këta tre shkencëtarë do të ndajnë çmimin prej 1.1 milionë dollarë.

Jacques Dubochet është shkencëtar zviceran, nga Universiteti i Lozanës. I lindur në vitin 1941, Dubochet ka punuar një kohë të gjatë si profesor i analizës strukturale në universitetin e përmendur, për çfarë është shpërblyer me çmime të ndryshme shkencore, shkruan nzz.ch.

Nga ky univesritet ka dalë në pension në vitin 2007.

Është interesante se si nxënës ai ishte shpallur si nxënësi i parë në Kantonin Vaud që i ishte dhënë zyrtarisht certifikata për “dobësi në lexim” (Legasteni) transmeton albinfo.ch.  Kjo, ka thënë Dubochet më vonë “më ka lejuar që të jem i dobët në të gjitha lëndët dhe t`i kuptoj më mirë personat që kanë vështirësi”.