Shkencëtarja shqiptare në Gjermani dekorohet me një çmim të lartë

Autore e 233 artikujve shkencorë të indeksuar në Scopus List dhe i 293 artikujve të kuotuar në Research Gate, e cilësuar kërkuese shkencore ekselente

Mira Mezini është inxhiniere për shkencat kompjuterike në Universitetin Teknik të Darmshtadit në Gjermani, përcjell albinfo.ch.

Ajo së fundmi ka fituar çmimin prestigjioz “LOEWE Top Profesorship“.

Vlen të theksohet se Mira Mezini është: profesoreshë e shkencave kompjuterike në Universitetin Teknik të Darmstadt-it (Gjermani); profesoreshë e ftuar në disa vende të botës, duke përfshirë Britaninë e Madhe; zëvendëspresidente e Universitetit të Darmstadt-it për transferimin teknologjik dhe, më pas edhe për kërkimin dhe inovacionin, ka shprehur në mbledhjen solmne të Asamblesë një mesazh falënderimi për Akademinë e Shkencave të Shqipërisë që e zgjodhi anëtare të jashtme.

Mira Mezini është autore e 233 artikujve shkencorë të indeksuar në Scopus List dhe i 293 artikujve të kuotuar në Research Gate, me rreth 7000 citime; e cilësuar kërkuese shkencore ekselente me njohje dhe vlerësim ndërkombëtar në fusha shumë të rëndësishme të shkencave kompjuterike, si gjuhët e programimit dhe paradigmat, zhvillimi i softuerëve të automatizuar, analiza e programeve dhe siguria e softuerëve; bashkëthemeluese e nëndisiplinës mbi paradigmën e zhvillimit të softuerëve të orientuar, duke vendosur parime të reja shkencore. /Albinfo.ch

 

 

---