Shkoi për të vjedhur, u qëllua për vdekje

Astrit Marku (35) së bashku me një shok tjetër, u futën në një shtëpi private për të vjedhur, por u panë nga roja dhe u qëllua me armë duke mbetur i vdekur në vend

Një 35-vjeçarit nga Tirana nuk i eci plani ashtu siç e kishte menduar, që të pasurohet brenda një nate. Ai bashkë me një shok tjetër, u futën në një shtëpi private për të vjedhur, por u panë nga roja dhe u qëllua me armë, duke mbetur i vdekur në vend.

Ngjarja, siç raporton TCH, ndodhi në fshatin Arbanë të kryeqytetit shqiptar-Tiranës, rreth orës 03:00 të mëngjesit, ku shtetasi Astrit Marku (35) është qëlluar për vdekje me armë.

Sipas policisë së Tiranës, Marku i ndihmuar dhe nga një bashkëpunëtor i tij, i identifikuar si Andi Allamani kishin shkuar për të vjedhur në një objekt privat, por është parë nga roja i cili ka qëlluar me armë në drejtim të tyre.

Për pasojë Marku ka gjetur vdekjen e menjëhershme, ndërsa bashkëpunëtori i tij dhe roja i objektit janë shoqëruar nga policia, e cila ka nisur hetimet lidhur me ngjarjen.