Shkolla Shqipe, pjesë e festës së qytetit të Tuttlingenit në Gjermani

Shkolla Shqipe përfaqësoi kulturën shqiptare në festën e qytetit të Tuttlingenit, në Gjermani, përcjell albinfo.ch.

Nxënësit, të mbështetur nga prindërit e tyre, u ngjitën në skenë për të interpretuar këngë dhe valle tradicionale shqiptare, duke sjellë një pjesë të veçantë të kulturës sonë në zemër të Gjermanisë.

Kjo ngjarje shënoi një mundësi të jashtëzakonshme për komunitetin shqiptar që jeton në Tuttlingen, duke pasqyruar traditat dhe vlerat kombëtare përmes interpretimit artistik të fëmijëve. Kjo pjesëmarrje u mirëprit me entuziazëm nga të pranishmit, të cilët shijuan energjinë e grupit të nxënësve dhe përkushtimin e tyre ndaj ruajtjes së identitetit kulturor.

Një falënderim i veçantë iu drejtua qytetit të Tuttlingenit për këtë mundësi unike për t’u shfaqur në një skenë ndërkombëtare, si dhe prindërve shqiptarë, të cilët kanë mbështetur me përkushtim këtë iniciativë të rëndësishme për forcimin e gjuhës dhe kulturës sonë.